22 ліпеня адбудзецца абласны фестываль-конкурс бардаўскай песні памяці У. Высоцкага “Музыка сэрцаў”. Далей прыведзены асноўныя аспекты яго правядзеняя.
- Мэтамі і задачамі Фестывалю з’яўляюцца: захаванне і развіццё лепшых традыцый жанру бардаўскай песні; пошук і выяўленне новых творчых талентаў у жанры бардаўскай песні; аб’яднанне выканаўцаў і прыхільнікаў бардаўскай музыкі; стымуляванне развіцця творчых здольнасцяў удзельнікаў; фарміраванне культуры адпачынку; далучэнне грамадскасці да традыцый бардаўскай музыкі.
- Арганізатарамі Фестывалю з’яўляюцца: упраўленне культуры Гродзенскага аблвыканкама (рашэнне Гродзенскага абласнога выканаўчага камитэта ад 30 снежня 2022г. №698), Навагрудскі раённы выканаўчы камітэт, аддзел культуры Навагрудскага раённага выканаўчага камітэта, ДУК “Навагрудскі раённы цэнтр культуры і народнай творчасці”.
- Пры арганізацыі, падрыхтоўцы і правядзенні Фестывалю арганізатары і ўдзельнікі кіруюцца заканадаўствам Рэспублікі Беларусь і сапраўднай Інструкцыяй.
- Агульнае кіраўніцтва падрыхтоўкай і правядзеннем Фестывалю ажыццяўляецца арганізацыйным камітэтам (далей – аргкамітэт) склад якого зацвярджаецца дадаткова (Дадатак 1).
- Аргкамітэт пакідае за сабой права ўносіць змены ў дадзеную Інструкцыю аб парадку арганізацыі і правядзення, а таксама аб пераносе даты правядзення Фестывалю (у іншыя тэрміны).
- У Фестывалі прымаюць удзел выканаўцы твораў У. Высоцкага, аўтары-выканаўцы, творчыя калектывы, асноўным напрамкам дзейнасці якіх з’яўляецца захаванне і падтрымка традыцый бардаўскай музыкі і творчасці У. Высоцкага ва ўзросце ад 16 гадоў.
- У праграму выступлення ўдзельнікаў Фестывалю ўключаюцца 2 вакальныя творы (адзін з якіх абавязкова – твор У. Высоцкага), якія павінны быць выкананы пад “жывы” акампанемент альбо, пры неабходнасці, з выкарыстаннем фанаграмы “-1”.
- Па выніках Фестывалю журы (Дадатак 2) вызначае і ўзнагароджвае дыпломамі лаўрэата (І, ІІ, ІІІ ступені) у рамках, ўручае грашовыя прэміі (60, 50, 40 бел. руб. адпаведна) і памятныя сувеніры ў наступных намінацыях:
“выканаўца аўтарскага твора” (аўтар слоў і музыкі);
“аўтар слоў выконваемага твора”;
“аўтар музыкі выконваемага твора”;
“выканаўца твора У. Высоцкага”;
“аўтарскі калектыў”.
- Дадаткова журы ўзнагароджвае ўдзельнікаў:
дыпломам “глядацкіх сімпатый” у рамцы і грашовай прэміяй у памеры 50 бел. рублёў і памятным сувенірам;
дыпломам ў рамцы і грашовай прэміяй “за адданасць фестывалю” у памеры 50 бел. рублёў і памятным сувенірам.
- Астатнія ўдзельнікі Фестывалю атрымліваюць дыплом за ўдзел у фестывалі, памятны сувенір.
- Журы мае права не прысвойваць месцы, падзяляць II, III месцы, аб’ядноўваць, змяняць ці ўводзіць дадатковыя намінацыі ў рамках выдзеленага прызавога фонду, вызначаць дадатковыя спецыяльныя прызы, не прысуджаць званні лаўрэатаў.
- Рашэнне журы з’яўляецца канчатковым і перагляду не падлягае.
- Пры падвядзенні вынікаў журы карыстаецца наступнымі крытэрыямі: ідэйна-мастацкі ўзровень конкурснага твора; выканальніцкае майстэрства; сцэнічная культура; арыгінальнасць і навізна ў падачы матэрыялу; артыстызм.
- У 2023г. Фестываль праводзіцца 22-23 ліпеня на тэрыторыі возера Літоўка Навагрудскага раёна альбо (ў выпадку дрэннага надвор’я) у глядзельнай зале ДУК “Навагрудскі раённы цэнтр культуры і народнай творчасці” (г. Навагрудак, пл. Леніна, 7).
- Для ўдзелу ў Фестывалі да 19 ліпеня 2023 года накіроўваюцца заяўкі (Дадатак 3) на электронны адрас: ДУК “Навагрудскі раённы цэнтр культуры і народнай творчасці” (novogrudokrmc@mail.ru). Даведкі па тэл/ф: 8(01597) 60250, 60200, +375292830886 (МТС).
- Фінансаванне Фестывалю ажыццяўляецца за кошт сродкаў раённага бюджэту, прадугледжаных у каштарысе аддзела культуры Навагрудскага раённага выканаўчага камітэта на цэнтралізаваныя мерапрыемствы.
- За кошт бюджэтных сродкаў фінансуецца: набыццё сувеніраў, выраб дыпломаў, рамак для дыпломаў, грашовыя прэміі ўдзельнікам конкурснай праграмы фестывалю.
- Для фінансавання Фестывалю на ўсіх этапах могуць быць выкарыстаны іншыя крыніцы, не забароненыя заканадаўствам Рэспублікі Беларусь.
- Накіраванне заяўкі і ўдзел у Фестывалі азначае поўнае і безумоўнае прыняцце правілаў дадзенай Інструкцыі.
- Транспартныя выдаткі ўдзельнікаў да месца правядзення Фестывалю-конкурсу ажыццяўляюцца за кошт накіроўваючай арганізацыі.
- Арганізатары Фестывалю захоўваюць неабмежаваныя правы на запіс выступленняў выканаўцаў і яго распаўсюджванне рознымі тэхнічнымі сродкамі і спосабамі. За дадзеныя запісы ганарары выканаўцам не выплачваюцца.