Паважаныя працаўнікі і ветэраны лясной галіны Смаргоншчыны!
Прыміце самыя шчырыя віншаванні з прафесійным святам!
Лес – адно з галоўных багаццяў Беларусі і ўсіх, хто даражыць яе прыродай, каго аб’ядноўвае шчырае імкненне зберагчы гэты нацыянальны здабытак.
Сёння сфарміраваны эфектыўныя падыходы да рацыянальнага выкарыстання і зберажэння зялёнага фонду, абароны яго ад пажараў і шкоднікаў. Новая сучасная тэхніка дазваляе весці нарыхтоўку драўніны па безадыходных тэхналогіях, павялічваць яе спажывецкія якасці і нарошчваць экспарт.
Дзякуем вам за добрасумленную працу. Перакананы, што і ў далейшым вы будзеце рацыянальна і эфектыўна выкарыстоўваць
лесасыравінны патэнцыял раёна, плённа аднаўляць лясы, спрыяць умацаванню эканомікі.
Жадаем вам і вашым сем’ям моцнага здароўя, дабрабыту, поспехаў і новых працоўных дасягненняў.
Раённы выканаўчы камітэт.
Раённы Савет дэпутатаў.
